...ესაია 5:19) და კვლავ: „ვაჲ რომელთა გული უთქუამს დღესა უფლისასა.“ () რადგან უბრალოდ მოსურნეებზე კი არ ამბობს, არამედ მათზე, ვინც ურწმუნოებისაგან ისწრაფვის; და კიდევ ამბობს: „არა ბნელ არს დღე უფლისაჲ და არა ნათელ და ალმურ არმქონებელ ნათელსა თჳსსა“ ()); ამიტომ პავლემ თქვა ასე.
და იხილე, როგორ ანუგეშებს შეჭირვებულებს, თითქოს ეუბნებოდეს: ნუ აქცევენ იმას, რომ მებრძოლნი კეთილდღეობაში არიან, იმის საბუთად, თითქოს სამსჯავრო არ მოდის; სწორედ ასე მოდის იგი. ღირს ისიც გამოვიძიოთ: თუ ანტიქრისტე მოდის და ელიაც მოდის, როგორღა, როცა იტყვიან: „მშჳდობაჲ და კრძალულებაჲ“ (), მაშინ მოიწევა მათზე უეცარი მომსრველი? რადგან ესენი, როგორც იმ დღის მოსვლის ნიშნები, არ უშვებენ, რომ დღე უცნობი დარჩეს. მაგრამ პავლე ამ ჟამს არ მიანიშნებს, ანტიქრისტეს ჟამს ვამბობ; არც იმ დღეს უწოდებს ქრისტეს მოსვლის ნიშნ...