Psalms 77:3

...ის, რომ იგი არა მხოლოდ შეჭირვებებში, არამედ შვებაშიც ფხიზლობდა. რადგან მრავალი, როცა განსაცდელებით დამდაბლდება, უფრო გულმოდგინე ხდება; ხოლო სიკეთეებით — უფრო უზრუნველიც და მოდუნებულიც. ამის შესახებ შემდეგ იუდეველებზე ამბობს: „რაჟამს მოსრავნ მათ, მაშინ ეძიებდიან მას“ (ფსალმ 77:34). მაგრამ ეს კაცი ასეთი არ არის; იგი კეთილდღეობაშიც ფხიზლობს და გამოფხიზლებულია. ეს კი სულიერი სიბრძნისთვის მცირე რამ არ არის. „რამეთუ ჰყავ სამართალი ჩემი და მშჯავრი ჩემი“ (ფსალმ 9:5). სხვა ამბობს: „ჩემს სასარგებლოდ განაჩენი გამოიტანე“. „დაშჯედ საყდართა ზედა, მსაჯულო სიმართლისაო“ (ფსალმ 9:5). „შეჰრისხენ შენ წარმართთა და წარწყმდა უღმრთოჲ“ (ფსალმ 9:6). სხვა ამბობს: „მოსპე“. **„სახელები მათი აჰჴოცე უკუნისამდე და უკუნით...

...ეს მცნებები, ყოველთა საერთო მეუფისგან მოცემული, მათით იზღუდავდეს თავს და სათანადოდ სარგებლობდეს ღვთის ჩვენდამი დიდი სულგრძელობით, არ ელოდოს იმას, რაც საქმით აღსრულდება, რომ მხოლოდ მაშინ დამდაბლდეს, რათა ჩვენზეც არ ითქვას: „რაჟამს მოსრავნ მათ, მაშინ ეძიებდიან მას და მოიქცევიედ და აღიმსთობედ ღმრთისა მიმართ" (ფსალმ 77:34). მაშ, საყვარელნო, ვინაიდან ამჟამინდელ მარხვის დროს ჩვენს თანამოშველედ გვყავს, ვისწრაფოთ ყველანი ცოდვათა აღსარებისკენ, განვეშოროთ ყოველ ბოროტებასა და ყოველი სათნოება ვქმნათ. ასე გვასწავლის ნეტარი წინასწარმეტყველი დავითი, რომელიც ამბობს: „მოიქეც ბოროტისაგან და ქმენ კეთილი" (ფსალმ 36:27). თუ ასე მოვიწყობთ თავს და საჭმლის მარხვას ბოროტებისგან თავის შეკავებასაც შევუერთებთ, უფრო დიდ კადნიერებას მივიღებთ და ღვთისგან უხვი მოწყალების ღირსნი შევიქნებით, როგორც ამჟამინდელ ცხოვრებაში, ისე იმ საშინელ დღეს, ღვთისთვის სათნო ადამიანთა ლოცვითა და შუამდგომლობით, ჩვენი უფლის იესო ქრისტეს მადლითა და კაცთმოყვარეობით, რომლის თანა მამასა, სულიწმიდითურთ, დიდება, ძალა, პატივი, აწ და მარადის და უკუნითი უკუნისამდე. ამინ.