...ყურადღება; ამიტომაც ამბობს: „ნუ მიაქცევ მარჯუენით, გინა თუ მარცხენით; მოაქციე ფერჴი შენი გზისაგან ბოროტისა, რამეთუ გზანი იგი მარჯუენითნი იცნის უფალმან, ხოლო გულარძნილ არიან გზანი იგი მარცხენითნი, და მან მართალ-ყვნეს ალაგნი შენნი და სლვანი შენნი მშჳდობით წარგემართნენ." (). დიდია ბოროტების უფსკრული, დიდია ფლატეები, ქვემოთ დიდი სიბნელეა, ვიწროა გზა; შიშით ვიფრთხილოთ და ძრწოლით ვიაროთ. ასეთ გზაზე მიმავალი არავინ ეფლობა სიცილში და არც სიმთვრალით მძიმდება, არამედ ფხიზლობითა და ყურადღებით გადის ამგვარ გზას; ასეთ გზაზე მიმავალს არავის მიაქვს რამ ზედმეტი, რადგან სასურველიც ის არის, რომ შემსუბუქებულმა შეძლოს გადარბენა; არავინ იბორკავს საკუთარ ფეხებს, არამედ თავისუფლად ტოვებს მათ.
5. ვიწრო გზა, სამსჯავრო და წყალობა
ჩვენ კი, ურიცხვი საზრუნავით საკუთარ თავს რომ ვიბოჭავთ და ურიცხვ ყოფით ტვირთს ვიკიდებთ, პირდაღებულნი და გადაშლილნი, როგორღა მოველით ვიწრო გზით სვლას? უბრალოდ კი არ უთქვამს, რომ იგი ვიწროა, არამედ გაკვირვებით: **„ვითარ-იგი იწრო არს ბჭე და საჭი...