15. მიეცით მას დიდად შუენიერებაჲ და აღუვარებდით ქებულებასა მისსა გალობითა და ჴმითა ქებისაჲთა აქებდით ღმერთსა და ესრჱთ იტყოდეთ, რაჟამს აღუვარებდეთ:16. რამეთუ საქმენი უფლისანი კეთილ არიან ფრიად და ყოველი იგი ბრძანებაჲ ჟამსა თჳსსა იყოს. არა არს თქუმად: რაჲ არს ესე ანუ რაჲსათჳს? რამეთუ ყოველივე ჟამსა თჳსსა მოიძიოს.17. ბრძანებითა მისითა დადგეს, ვითარცა ზჳნეულნი წყალნი და სიტყჳთა პირისა მისისაჲთა საუნჯენი წყალთანი.
სიბრძნე ისუ ზირაქისა თავი 39