...ესაია 5:19) და კვლავ: „ვაჲ რომელთა გული უთქუამს დღესა უფლისასა.“ () რადგან უბრალოდ მოსურნეებზე კი არ ამბობს, არამედ მათზე, ვინც ურწმუნოებისაგან ისწრაფვის; და კიდევ ამბობს: „არა ბნელ არს დღე უფლისაჲ და არა ნათელ და ალმურ არმქონებელ ნათელსა თჳსსა“ ()); ამიტომ თქვა ასე.
და იხილე, როგორ ანუგეშებს მათ, თითქოს ეუბნებოდეს: ნუ აქცევენ იმას, რომ ისინი კეთილდღეობაში არიან, იმის საბუთად, თითქოს სამსჯავრო არ მოდის; სწორედ ასე მოდის იგი. ღირს ისიც გამოვიძიოთ: თუ ანტიქრისტე მოდის და ელიაც მოდის, როგორღა მოიწევა მათზე უეცარი მომსრველი მაშინ, როცა იტყვიან: „მშჳდობაჲ და კრძალულებაჲ“ ()? რადგან ესენი, როგორც იმ დღის მოსვლის ნიშნები, არ უშვებენ, რომ დღე უცნობი დარჩეს. მაგრამ იგი ამ ჟამს არ მიანიშნებს, ანტიქრისტეს ჟამს ვამბობ; არც იმ დღეს უწოდებს ქრისტეს მოსვლის ნიშნად, არამედ იმას ამბობს, რომ ქრისტეს მოსვლას ნიშანი არ ექნება, არამედ ერთბაშად და მოულოდნ...