მაშ, განსაჯე აღთქმასა და მის აღსრულებას შორის გასულ ხანგრძლივ დროზე და წარმოიდგინე პატრიარქის სულის სიმტკიცე, — როგორ გვერდს უვლიდა ყველა ადამიანურს და ფიქრი აღმთქმელის ძალისკენ მიმართა, არ აღელდა და არ შეირყა. თქვენ იცით, რომ თუ ვინმე ერთხელ-ორჯერ შეპირდება და თავის პირობას არ შეასრულებს, ჩვენ შემდეგ უკვე ნაკლებად ვენდობით მის შეპირებებს. და ადამიანის მიმართ ეს სწორიცაა. მაგრამ რაც შეეხება ღმერთს, რომელიც დიდი სიბრძნით მოაწყობს ჩვენს საქმეებს, — თუ მან ერთხელ მოგვცა აღთქმა, თუნდაც შემდეგ უამრავი დაბრკოლება წარმოიშვას, ჩვენ, მისი ძალის სიდიადეზე მიმხედველთ, დარწმუნებულნი და მტკიცე რწმენის მქონეთ უნდა ვიყოთ და ვიცოდეთ, რომ მისი სიტყვა აუცილებლად აღსრულდება. არაფერია ისეთი, რამაც მისი აღთქმის აღსრულება შეაჩეროს. ის ღმერთია, ვისთვისაც ყველაფერი შესაძლებელია, და ამიტომ მიმართავს მოვლენებს, სადაც სურს, რადგან ძალუძს გზა იპოვოს უგზო ადგილებშიც, და მას შემდეგ, რაც ჩვენ უკვე სასოს წარვკვეთეთ, კეთილ იმედებს გვიღვივებს, რომ ამგვარად უფრო ნათლად შევიცნოთ მისი განგებულების სიბრძნის უზომო სიდიადე. „აღდეგ, — ნათქვამია, — მოვლე ქუეყანა, სიგრძედ...
Genesis 13:17
16. And I will make thy seed as the dust of the earth: so that if a man can number the dust of the earth, then shall thy seed also be numbered.17. Arise, walk through the land in the length of it and in the breadth of it; for I will give it unto thee.18. Then Abram removed his tent, and came and dwelt in the plain of Mamre, which is in Hebron, and built there an altar unto the LORD.
Genesis თავი 13