დღეს საჭიროა, საყვარელნო, გუშინდელი საუბრის ნაშთი მოგაგოთ და (ბიბლიური) სიტყვის თანმიმდევრობა შეგახსენოთ, რათა ყურადღება მივაქციოთ, თუ როგორ ზეციური მზრუნველობით სარგებლობდა მართალი ისაკი. ის, ვინც ეგვიპტეში მგზავრობა აუკრძალა და უთხრა: „დაემკჳდრე ქუეყანასა მას", ისე აამაღლა იგი ყოველმხრივ, რომ მცირე ხნის შემდეგ გერარის მეფემ შეშურა მისი. როცა დაინახეს, რომ მისი ქონება დღითიდღე მრავლდებოდა, შეშინდნენ ამ კაცის იქ დამკვიდრებისა და აიძულებდნენ, იქიდან გადასახლებულიყო. მაგრამ სჯობს, საღვთო წერილის სიტყვები თავად მოვისმინოთ, რათა სრულად ვიხილოთ, რა კეთილგანწყობას უჩვენებდა ღმერთი თავის მონებს. „სთესა", — ნათქვამია, — „ისაკ მას წელსა და იყო ას ასეული ქრთილისაჲ". გთხოვთ, შეამჩნიოთ ღვთის სიბრძნე: რათა მართალს ეჩვენებინა, რომ ის, ბუნების შემოქმედი, შეუძლებელსაც შესაძლებლად აქცევს და თავიდანვე ბრძანებით აღძრა მიწა ნაყოფის გამოღებად, (ღმერთმა) მოახდინა ის, რომ მართალმა ასმაგი ნაყოფი მიიღო იმ მიწაზე დათესილიდან; ამით იგი უფრო დიდ კეთილდღეობაში მოიყვანა, ისე, რომ არაფერი აღარ აკლდა, ხოლო იმათაც (გერარის მცხოვრებლებს) თავად საქმით...
Genesis 26:13
12. Then Isaac sowed in that land, and received in the same year an hundredfold: and the LORD blessed him.13. And the man waxed great, and went forward, and grew until he became very great:14. For he had possession of flocks, and possession of herds, and great store of servants: and the Philistines envied him.
Genesis თავი 26