უფლის კაცთმოყვარეობას იმითაც შეამჩნევ, რომ რა მრავალფეროვანი საშუალებებით კურნავდა ამ ადამიანთა სნეულებას, გამოცდილი მკურნალის მსგავსად. რადგან მათი ჭრილობები ძნელად სამკურნალო იყო, მან ასეთი ხანგრძლივი ვადა მისცა, სურდა, რომ ისინი, თუნდაც დროის ხანგრძლივობით გონს მოეგოთ და თავიანთგან ღვთის მრისხანე განაჩენი აეცილებინათ. რადგან ღმერთს ჩვენი ცხონება ანაღვლებს, ჩვეულებრივ, ყოველთვის წინასწარ აცხადებს, რა სასჯელების მოვლინება სურს — მხოლოდ იმიტომ, რომ არ მოავლინოს. მოვლინება რომ სურვებოდა, არც იტყოდა წინასწარ; არამედ წინასწარმეტყველებს იმ განზრახვით, რომ ჩვენ, გავიგებთ რა, შეშინებულნი, მისი რისხვა და განაჩენები ავიცილოთ. არაფერი ისე არ ახარებს მას, როგორც ჩვენი მოქცევა და ცოდვიდან სათნოებისკენ გარდასვლა. შეხედე, როგორ კურნავდა ამ ადამიანთა სნეულებას. ჯერ სინანულისთვის ასეთი ხანგრძლივი ვადა მისცა, შემდეგ, როცა მათი უგრძნობლობა იხილა, რომ ასეთი გრძელი დროით ვერ ისარგებლეს, უკვე წარღვნის, ასე ვთქვათ, კარებთან წინასწარ აუწყებს, თანაც არა სამი დღით ადრე, როგორც ნინეველთ, არამედ შვიდი დღით. უფლის უსაზღვრო კაცთმოყვარეობის მცოდნე, თამამად...
Genesis 7:10
9. There went in two and two unto Noah into the ark, the male and the female, as God had commanded Noah.10. And it came to pass after seven days, that the waters of the flood were upon the earth.11. In the six hundredth year of Noah's life, in the second month, the seventeenth day of the month, the same day were all the fountains of the great deep broken up, and the windows of heaven were opened.
Genesis თავი 7