თარგმანი: რაჲ არს სიტყუაჲ ესე; განაგდებსა სინანულსა, რომელ იტყჳს თუ — ვერ ჴელ-ეწიფების განახლებაჲ — ნუ იყოფინ! არა სინანულსა განაგდებს, არამედ იტყჳს, ვითარმედ ნათლისღებითა მეორედ განახლებაჲ არღარა არს, რამეთუ განახლებაჲ ნათლისღებისაჲ არს, ხოლო სინანულისაჲ ესე არს, რომელ განახლებულნი ნათლისღებითა და კუალად დაძუელებულნი ცოდვათა მიერ განგუაშორნეს ამის ამაოებისაგან და მეგუცვალნეს, გარნა მასვე ბრწყინვალებასა მოსლვაჲ არღარა არს, რამეთუ მუნ ყოვლითურთ მადლი იყო, რამეთუ არა თქუა თუ — შეუძლებელ არს განახლებაჲ — და დაიდუმა, არამედ ესეცა შესძინა, ვითარმედ: "თანა-ჯუარ-ცუმად ძესა ღმრთისასა და განქიქებად", რამეთუ ნათლისღებაჲ ჯუარ-ცუმაჲ არს, და ვითარცა არა არს მეორედ ქრისტეს ჯუარცუმაჲ, რამეთუ ესე არს განქიქებაჲ, ეგრეთვე, რომელმან მეორედ ნათელს-იღოს, ქრისტეს ჯუარს-აცუამს, რამეთუ, ვითარცა მოკუდა ქრისტჱ ჯუარსა ზედა, ეგრეთვე ჩუენ — ნათლისღებასა შინა.
Hebrews 6:5
4. For it is impossible for those who were once enlightened, and have tasted of the heavenly gift, and were made partakers of the Holy Ghost,5. And have tasted the good word of God, and the powers of the world to come,6. If they shall fall away, to renew them again unto repentance; seeing they crucify to themselves the Son of God afresh, and put him to an open shame.
Hebrews თავი 6