...ალმ 110:10), ანუ მათთვის, ვინც სიბრძნეს აღასრულებს და საქმეებით აჩვენებს მას, კეთილი გულისხმისყოფაა. „კეთილი გულისხმისყოფაო“, თქვა, რადგან არსებობს ბოროტი გულისხმისყოფაც, როგორც მაშინ, როცა ამბობს: „ბრძენ არიან ბოროტისა ყოფად, ხოლო კეთილისა ქმნასა ვერ შეემეცნნეს“ (). მაგრამ იგი სათნოებაზე დამყარებულ გულისხმისყოფას ეძებს.
„და ქებაჲ მისი ეგოს უკუნითი უკუნისამდე“ (). რომელი ქება? მითხარი. მადლიერება, დიდებისმეტყველება, საქმეების მიერ უკვდავად ქცეული ქება, და ამაზე უწინ თვით ის ქება, რომელიც მის არსებასთან არის თანაშერთული. რადგან ღმერთი უკვდავია და თავისთავადაც დიდად ქების ღირსია; ქების ღირსია მაშინაც, როცა მის დიდებულებასა და ყოველივე სხვას გაიაზრებ; ქების ღირსია საქმეების მიერაც, როცა ხილულთა საშუალებით მის სიბრძნეს დაინახავ. ამას კი იმიტომ ამბობს, რომ მადლიერებისკენ მოგვიწოდოს და აჩვენოს: არავითარი შენდობის, თვ...