Luke 12:43

[თ. 12; მ. 1-3]

1. რომელთა ზედა შეკრებულ იყო ბევრეული ერი, ვიდრემდე დასთრგუნვიდეს ურთიერთას. იწყო პირველად სიტყუად მოწაფეთა თჳსთა და ჰრქუა: ეკრძალენით თავთა თქუენთა ცომისაგან ფარისეველთაჲსა, რომელ არს ორგულებაჲ. 2. ხოლო არარაჲ არს დაფარული, რომელი არა გამოცხადნეს, და დამალული, რომელი არა საცნაურ იყოს. 3. ამისათჳს რომელი ბნელსა შინა სთქუათ, ნათელსა შინა ისმეს, და რომელსა ყურსა ეტყოდით საუნჯეთა შინა, იქადაგოს ერდოთა ზედა.

ფარისევლები ცდილობდნენ სიტყვაში დაეჭირათ უფალი, რათა ხალხი ჩამოეშორებინათ მისთვის, მაგრამ პირიქით მოხდა. სულ უფრო ბევრი ხალხი იკრიბებოდა: იკრიბებოდა მრავალი ათასი და თითოეული ისე ესწრაფვოდა მასთან მიახლოებას, რომ ლამის ერთმანეთი გადაეთელათ. ასეთი ძლიერია ჭეშმარიტება, ხოლო სიცრუე ყველგან უძლურია! იესო, იცოდა რა ფარისეველთა მზაკვრობის შესახებ და ხედავდა რა, რომ ისინი მხოლოდ თავს აჩვენებენ ისე, თითქოსდა შეკითხვა ჰქონდეთ, საქმით კი საბაბს ეძებენ მის წინააღმდეგ, თავის მოწაფეებთან ფარისეველთა ორგულობაზე ალაპარაკდა, ეჭვგარეშეა იმისთვის, რათა ემხილება ისინი და სააშკარაოზე გადმოეტენა მათი თვალთმაქცობიტ აღსავსე გულები....

...მშვიდობიანი ცხოვრებით ცხოვრობს, სიმშვიდითა და სიწყნარით ტკბობს; და რაც ყველაფერზე მნიშვნელოვანია და ყველა სიკეთეს აღემატება — ასეთი (ადამიანი) ღვთის უხვ წყალობას მიიღებს, როგორც თავისი მეუფის ქონების ერთგული მმართველი. „ნეტარ არს იგი მონაჲ, — ნათქვამია, — რომლისაჲ მოვიდეს უფალი მისი და პოოს იგი ესრეთ მოქმედი" (ლუკ 12:43), ანუ თანამონებს შორის ქონებას მანაწილებელი, კარებსა და საკეტებს უკან არ მიმმალველი, ჩრჩილებს საჭმელად არ მიმტოვებელი, არამედ ღარიბთა გაჭირვების შემამსუბუქებელი, უფლისგან ბოძებულს ისე განმკარგველი, როგორც კეთილი და ერთგული მოურავისთვის შეშვენის. ასეთი კეთილი განკარგვისთვის დიდ ჯილდოს მივიღებთ და აღთქმული სიკეთეების ღირსნი გავხდებით, ჩვენი უფლის იესო ქრისტეს მადლითა და კაცთმოყვარეობით, რომლის თანა მამასა, სულიწმიდითურთ, დიდება, ძალა, პატივი, აწ და მარადის და უკუნითი უკუნისამდე. ამინ.