თ ა რ გ მ ა ნ ი: იხილეა სრულებაჲ ესე სათნოებისაჲ? შემდგომად მიცემისა კუართისა მის და სამოსლისა უკუეთუ შიშუელსა მასცა გუამსა შენსა შრომასა და ჭირსა შთააგდებდეს მტერი იგი, ნუვე აყენებო, რამეთუ ჰნებავს უფალსა, რაჲთა არა საფასეთა ოდენ და საჴმართა, არამედ თავთაცა ჩუენთა მივსცემდეთ საჭირვებელად მტერთა და სამსახურებელად გლახაკთა: ერთი იგი სახედ ახოვნებისა და მეორე ესე სახედ კაცთმოყუარებისა. ამისთჳს თქუა: „რომელი წარგიქცევდეს შენ მძღუარად მილიონ ერთ, მივლე მის თანა ორიცა“. ყოვლითურთ სრულებისა საზომსა გუასწავებს, რაჲთა ჴორცითა ამით კაცობრივითა უვნებლობაჲ წარვჰმართოთ. რამეთუ რომელნი ღირს იქმნენ ამას საზომსა მიწევნად, რომელ არცა გინებისათჳს და გუემისა, არცა მიხუეჭისათჳს ნაქონებისა ელმოდის, არცა მოუძლურდებოდინ სულითა, არამედ უმეტესისაღა შეძინებად ისწრაფდენ უფროჲს მოწევნულისა მის: ერთისა მას ყურიმლის-ცემასა ზედა სხჳსაცა ეძიებდენ, მიღებასა ზედა კუართისასა მისცემდენ სამოსელსაცა, წარქცევასა ერთისა მილიონისასა მივიდოდინ ორსაცა; რაჲმცა იყო უსანატრელეს ესევითარისა მის საზომისა? იგინი ანგელოზნი არიან ჴორცთავე შინა, იგინი არიან ღირს ზემოწერილთა მათ...
Matthew 5:41
40. And if any man will sue thee at the law, and take away thy coat, let him have thy cloke also.41. And whosoever shall compel thee to go a mile, go with him twain.42. Give to him that asketh thee, and from him that would borrow of thee turn not thou away.
Matthew თავი 5