...იობმაც ხომ თავი გადაიპარსა, როცა შვილთა უბედურება გაიგო. და შემდგომ წინასწარმეტყველი ამბობს, რომ ძაძასთან და გოდებასთან ერთად პარსვაც იქნებოდა. და სხვა წინასწარმეტყველიც ამბობს: „დაყჳნე და აღიკუეცე, შვილთა შენთა ზედა ჩჩჳლთა“ (). „და ნაცვლად შესამოსლისა შუა პორფირისასა გარემოირტყა ძაძაჲ“ (). ნუთუ ეს ყოველივე საშინლად და აუტანლად არ გეჩვენება?
მაგრამ ჩვენთვის სასჯელი ამით არ შეჩერდება: ამას შხამიანი მატლი და დაუსრულებელი სიბნელე მოჰყვება. რადგან თუ მათ სამკაულის ნაცვლად ტყვეობა, მონობა და უკიდურესი ბოროტებები ელოდათ; ხოლო რომ სწორედ ეს ითხოვდა სასჯელს და ღმერთი საგანგებოდ ამ ცოდვას სჯიდა, ისმინე, როგორ ჩამოთვალა ის ყველაფერი და მიზეზიც დაურთო: „ესე შენდა ნაცვლად შემკულებისა“ (ესაია 3:24; ოქროპირის ტექსტით)14; მაშ, თუ მოკაზმულმა იუდეველმა ქალებმა ასეთი სა...