„დასასრულსა, ფსალმუნი დავითისი“ (). სხვა: „გამარჯვების საგალობელი დავითისა.“ სხვა: „გამარჯვების მომნიჭებელს.“
„უფალსა ვესავ; ვითარ ეტყჳთ სულსა ჩემსა: იცვალებოდე მთათა ზედა, ვითარცა სირი?“ (). სხვა: „აღიდეგ მთათა ზედა, ვითარცა სირი.“ სხვა: „გარდაიცვალე.“
„რამეთუ, აჰა, ესერა, ცოდვილთა გარდააცვეს მშჳლდსა მათსა და განჰმზადნეს ისარნი კაპარჭთა მათთა, რათამცა ესროდეს ბნელსა შინა გულითა წრფელითა.“ (). სხვა: „ვითარცა ბურუსში.“
„რამეთუ, რაჲ-იგი შენ აღაშენე, მათ დაარღჳეს; ხოლო მართალმან რაჲ ყო?“ (). სხვა: „რამეთუ წესები დაირღვა.“ სხვა: „რამეთუ მოძღვრებანი შემუსრვილ იქნებიან.“
1. უფალზე დამყარებული სასოება და მტერთა უძლურება
დიდია უფლისადმი სასოების ძალა: აუღებელი სიმაგრე, დაუძლეველი ზღუდე, უძლეველი შემწეობა, მშვიდი ნავსაყუდელი, დაუმარცხებელი გოდოლი, უძლეველი იარაღი, დაუძლეველი ძალა, რომელიც გამოუვალშიც...