„მრავალგზის მბრძოდეს მე სიყრმით ჩემითგან, თქუნ ისრაჱლმან, მრავალგზის მბრძოდეს მე სიყრმით ჩემითგან და მე ვერა მერეოდეს.“ ().
1. სიონის მტრების ამაოება და დაცემა
სხვა მთარგმნელი ამბობს: „მაგრამ ვერ მძლეს“. ეს ფსალმუნიც წინამორბედ ფსალმუნს უკავშირდება. რადგან, როცა მშენებლობის საქმე წყდებოდა და ნაშრომი დასასრულამდე ვერ მიდიოდა, ეს ფსალმუნი მათ კეთილ სასოებაში შეჰყავს, რათა სასოწარკვეთილებას არ მიეცნენ: წარსულის მაგალითით მომავლის მიმართ ნდობას განუმტკიცებს და ასწავლის, ეს სიტყვები თქვან. რომელი? ის, რომ მრავალგზის თავდასხმის მიუხედავად ვერ იმძლავრეს და სრულ გამარჯვებასაც ვერ მიაღწიეს. „და მაინც,“ იტყვის ვინმე, „ტყვედ ხომ წაიყვანეს, უცხო ქვეყანაში გადაასახლეს და მრავალი ომი მოიგეს“. უპირველესად, მაშინაც იუდეველებს საკუთარი ძალით კი არ სძლიეს, არამედ იუდეველთა ცოდვის...