„აღგიარო შენ, უფალო, ყოვლითა გულითა ჩემითა“ ().
1. მადლიერება ტაძარში და სულის განმტკიცება
ამის შესახებ თქვენთან მრავალგზის მისაუბრია. ამიტომ ამას გვერდს ავუვლით და მის მომდევნოზე გადავალთ. რას ნიშნავს ეს: „და წინაშე ანგელოზთასა გიბალობდე შენ“ ()? ეს სხვა განმმარტებელმა ასე თქვა: „კადნიერებით, ღმერთო, გიგალობებ შენ.“1 სხვა კი ამბობს: „ღმერთების წინაშე გიგალობებ შენ“ (). ამრიგად, თუ იგი ზეცებში მყოფ ანგელოზებს გულისხმობს, ნათქვამის აზრი ასეთია: თავს ვაიძულებ, ანგელოზებთან ერთად ვიგალობო, მათთან შეჯიბრებას შევეცდები და ზენა ძალებთან ერთად ქოროში ჩავდგები. <span...