...რებდა მათ მძვინვარებას. რატომ იქცეოდა ასე? რატომ, როცა მტრები ასე მზაკვრობდნენ მის წინააღმდეგ, ის ისე მოქმედებდა, თითქოს ყრუ და უენო ყოფილიყო, არც სმენა ჰქონოდა, არც ენა? მოისმინე, რა მიზეზს წარმოაჩენს თავად ასეთი სიბრძნისმოყვარეობისა: «არამედ მე შენ, უფალო, გესავ და შენ შეგესემინ ჩემი, უფალო ღმერთო ჩემო» (). რადგან მე, ამბობს, შენზე დავამყარე მთელი ჩემი იმედი, სრულიადაც არ ვზრუნავ იმაზე, რასაც ეს (მტრები) აკეთებენ. შენს ძალას შეუძლია ყოველივე გაფანტოს, მათი მზაკვრობა და ვერაგობა განაქარვოს და არ დაუშვას მათი ჩანაფიქრის აღსრულება.
2. წერილის კითხვის სულიერი სარგებელი
ხედავთ, როგორ შეიძლება აქ (წერილში) მიიღო ყოველ უბედურებას შესატყვისი წამალი, ადამიანის ბუნებას რომ ეწვევა, მოიშორო ყოველი ცხოვრებისეული მწუხარება და არავითარ გარემოებებში არ შეწუხდე? ამიტომ, გთხოვთ, ხშირად მოდიოდეთ აქ, ყურადღებით უსმინეთ საღვთო წერილის კითხვას და არა მარტო როცა აქ ხართ, არამედ სახლშიც აიღეთ ხელში წმინდა წიგნები და გულმოდგინედ ამოიღეთ მათგან სარგებელი. დიდია მართლაც სარგებელი, რომელიც მათგან მოდის: ჯერ ერთი, მათი კითხვით ენა იწვრთნება; შემდეგ სულიც ფრთებს იშლის და აღზევდება, რადგან სიმართლის მზის ნათელი ანათებს მას, უწმინდურ ზრახვათა სიბინძურისგა...