...ია და მიმღები. ამიტომ საჭიროა ყველაფრისთვის მომზადება: თუნდაც სიკვდილისთვის, თუნდაც მოწამეობისთვის; საჭიროა მზად ყოფნა, თუნდაც ქალწულობისთვის და თუნდაც ყოველივე ამისთვის. შემდეგ ამბობს: „ხოლო სიჭაბუკისა მათ გულის თქუმათა ევლტოდე“ ().
ახალგაზრდული მხოლოდ სიძვის გულისთქმები კი არ არის, არამედ ყოველი უადგილო გულისთქმა ახალგაზრდულია. მოისმინონ მოხუცებულებმა, რომ არ უნდა აკეთონ ახალგაზრდების საქმეები. თუ ვინმე შეურაცხმყოფელია, ან ძალაუფლება უყვარს, ან ფული, ან სხეულები, ან რაგინდ რა, ეს გულისთქმა ახალგაზრდულია და უგუნური; რადგან როცა გული ჯერ დამყარებული არ არის და გონება სიღრმეში არ დგას, არამედ ჰაერში ჰკიდია, აუცილებელია, ეს ყველაფერი მოხდეს. ამიტომ, რათა არავინ ამათგან შეპყრობილი აღმოჩნდეს, რას ურჩევს? ახალგაზრდულ წარმოდგენებს გაექეცი; ხოლო, როგორც მოციქული ამბობს, **„შეუდეგ სიმართლესა, სარწმუნოებასა, სიყუარულსა, მშჳდობასა მათ თანა, რომელნი ხადიან უფალსა გულითა წმიდითა“...