...„და იქმნა ეგრეთ"? უფალმა ბრძანა, ესე იგი, და დედამიწამ მაშინვე შობის ტკივილი იგრძნო და თესლთა აღმოცენებისთვის მომზადდა. „და გამოიღო ქუეყანამან მწუანვილი თივისაჲ, მთესველი თესლსა ნათესავობისაებრ და მსგავსებისაებრ და ხე ნაყოფიერი, მყოფი ნაყოფისაჲ, რომლისა თესლი მისი მის თანა ნათესავობისაებრ ქუეყანასა ზედა" (). იფიქრე აქ, საყვარელო, როგორ გამოიღო ყველაფერი დედამიწამ მხოლოდ უფლის სიტყვით. ჯერ არც კაცი-მიწათმოქმედი იყო, არც გუთანი, არც სამუშაო ხარები, არც სხვა მისი მოვლა, არამედ მხოლოდ ისმინა (დედამიწამ) ბრძანება — და მაშინვე შეასრულა თავისი მოვალეობა. აქედან ვიგებთ, რომ ახლაც ნაყოფს ჩვენთვის არა მიწათმოქმედთა გულმოდგინება მოიტანს, არა შრომა და საერთოდ არა მიწის დამუშავების მძიმე სამუშაო, არამედ ყოველივე ამაზე უპირველესად ღვთის სიტყვა, თავდაპირველად მას რომ ეთქვა. მეორე მხრივ, ადამიანთა უგუნურების გამოსასწორებლად, საღვთო წერილი გვიხსნის ყველაფერს თანმიმდევრულად — რა და როგორ იყო, რათა გააქარწყლოს მათი ცარიელი ლაპარაკი, ვინც თავიანთი მსჯელობით ამტკიცებს, თითქოს ნაყოფთა სიმწიფისთვის მხოლოდ მზის მოქმედება სჭირდება. არიან ისეთებიც, ვინც ამას გარკვეულ ვარსკვლავებსაც კი მიაწერს. ამიტომ სულიწმინდა გვასწავლის, რომ ამ სტიქიათა შექმნამდეც კი, მ...
დაბადებისა 1:12
11. და თქუა ღმერთმან: აღმოამორჩენ ქუეყანამან მწუანვილი თივისაჲ. მთესველი თესლისაჲ, ნათესავობისაებრ და მსგავსებისა და ხე ნაყოფიერი მყოფელი ნაყოფისა, რომლისა თესლი მისი მის თანა მსგავსებისაებრ ქუეყანასა ზედა. და იქმნა ეგრეთ.12. და გამოიღო ქუეყანამან მწუანვილი თივისაჲ, მთესველი თესლსა ნათესავობისაებრ და მსგავსებისაებრ და ხე ნაყოფიერი, მყოფი ნაყოფისაჲ, რომლისა თესლი მისი მის თანა ნათესავობისაებრ ქუეყანასა ზედა. და იხილა ღმერთმან, რამეთუ კეთილ.13. და იქმნა მწუხრი და იქმნა განთიად დღე მესამე.
დაბადებისა თავი 1