...ჩქარეს; შვილებისა და სამწყსოების გულისთვის ნელა და ნემს-ნემსა მიმაქვს, რათა დიდი შრომით ზიანი არ მივაყენო. მაშ, წადი შენ, ამბობს; მე კი, შვილებისა და სამწყსოების შრომას რომ ნაწილ-ნაწილ გავანაწილებ, სეირში დაგეწევი. ესავმა ეს რომ მოისმინა, თქვა: თუ გინდა, „დაუტეო ერისა ამისგან შენ თანა, რომელი არს ჩემ თანა" (), — ამით პატივისცემასა და მზრუნველობას ავლენდა. მაგრამ იაკობმა ესეც არ მიიღო: „ესე კმა არს, — ამბობს, — რამეთუ ვპოვე მადლი წინაშე შენსა". ჩემი ერთადერთი მზრუნველობა იყო შენი კეთილგანწყობის მოპოვება; ეს რომ მოვიპოვე, სხვა არაფერი მჭირდება. „და წარმოვიდა, — ნათქვამია, — იაკობ კარვობად და იქმნა მუნ სახლი და საცხოვარსა თჳსსა უქმნა საყოფელი. ამისთჳს უწოდა სახელი ადგილისა მის «კარვებ»" ().
5. სიმშვიდის ძალა და მტერთა სიყვარული
ამის მსმენელნი, მივბაძოთ ამ მართალსა და ისეთივე თავმდაბლობა გამოვავლინოთ. თუ ვინმე ჩვენს მიმართ არაკეთილად არის განწყობილი, მის მტრობას ნუ კიდევ უფრო გავაჩაღებთ, არამედ სიტყვისა და საქმის სიმშვიდითა და თავმდაბლობით მტრობა ჩავაქროთ და ამგვარად გაღიზიანებული სული მოვკურნოთ. შეხედე, რა სიბრძნე ჰქონდა ამ მართალს — სიტყვის ძლიერი ზემოქმედებით ესავის გული იმ...