დაბადებისა 4:15

...ყველას წინაშე, ვინც კი მომკვლელობას ინდომებს, რადგან თავად ვეღარ დავიცავ თავს მოშლილი და მოძრწუნებული სხეულის ნაწილებითა; გარდა ამისა, როცა გაიგებენ, რომ შენი მფარველობა არ მაქვს, ვინც კი ინდომებს, თავისუფლად მომკლავს. მაშ, რას (ამბობს) კაცთმოყვარე და სახიერი უფალი? „და ჰრქუა მას უფალმან ღმერთმან: არა ეგრეთ" (დაბ 4:15). ნუ ფიქრობ, ამბობს, რომ ასე მოხდება. არა, ყველას, ვინც ინდომებს, არ შეუძლია შენი მოკვლა, არამედ შენი სიცოცხლის გაგრძელებით შენს მწუხარებასაც გავზრდი და მომდევნო თაობებსაც ვასწავლი, რათა შენი სახე მათ შეგონებად ემსახურებოდეს და არავინ მიჰყვეს შენს მაგალითს. „და ჰრქუა მას უფალმან ღმერთმან: არა ეგრე; ყოველმან მომკლველმან კაინისმან შჳდნი შურის-ძიებანი დაჴსნნეს". შესაძლოა, ბევრი ვთქვით და თქვენს სხეულსაც საგრძნობლად დავღალეთ? მაგრამ რა ვქნა? თქვენი ყურადღებისა და მოსმენის მხურვალე მოშურნეობის ხილვით, მინდა დანარჩენიც განვიხილო და შეძლებისდაგვარად ავხსნა. მაშ, რას ნიშნავს: „შჳდნი შურის-ძიებანი დაჴსნნეს"? მაგრამ მეშინია, რომ სიტყვათა სიმრავლით, ერთი მხრივ, ნათქვამის დამახსოვრებას ხელს არ შეგიშალოთ, მეორე მხრივ, მძიმეც არ შეგეჩვენოთ. თუ არ დაიღალეთ, მოითმინეთ; წინამდებარე ადგილის განმარტების შემდეგ სიტყვას დავასრულებთ. **„და ჰ...