დაბადებისა 4:3

...აბელ მწყემს ცხოვართა; ხოლო კაინ - მშრომელ ქუეყანისა"* (დაბ 4:2). საღვთო წერილი შობილთაგან თითოეულის საქმიანობას გვაუწყებს, (კერძოდ), რომ ერთი მწყემსურ ცხოვრებას ეწეოდა, მეორე კი მიწას ამუშავებდა. „და იყო შემდგომად დღეთა მოართუა კაინ ნაყოფთაგან ქუეყანისათა მსხუერპლი უფალსა" (დაბ 4:3). შეხედე, როგორ ჩანერგა ბუნების შემოქმედმა სინდისში შემეცნება. ვინ, მითხარი, მოიყვანა ის (კაინი) ამ აზრამდე (ღვთისთვის მსხვერპლის მირთმევისა)? არავინ სხვა, გარდა სინდისში ჩადებული შემეცნებისა. „მოართუა, — ამბობს, — ნაყოფთაგან ქუეყანისათა მსხუერპლი უფალსა". იცოდა და ესმოდა, რომ თავისი ქონებიდან რაიმე ნაყოფის მირთმევა ეკუთვნოდა მეუფეს; არა იმიტომ, რომ ღმერთი ამას საჭიროებდა, არამედ იმისთვის, რომ ასეთი დიდი კეთილმოქმედებით (ღვთისა) ტკბობისას თავისი მადლიერება გამოეჩინა. ღმერთი არაფერს საჭიროებს და ჩვენგან არაფერს ითხოვს; მაგრამ, თავისი გამოუთქმელი კაცთმოყვარეობით ჩვენკენ შეწყნარებით, ჩვენი ცხონებისთვის ამას (მსხვერპლის მირთმევას) ნებას გვრთავს, რათა უფლის შემეცნება ადამიანური ბუნებისთვის სათნოების სასწავლებლად ემსახურებოდეს. „და აბელ მოართუა მან-ცა პირმშოთაგან ცხოვართა მისთასა" (დაბ 4:4...