...წყალი იყო. "და განყო ჴელი, მიიქუა იგი და შეიყუანა იგი თავისა თჳსისა თანა კიდობნად". ხედავ, რა მადლიერია ეს ფრინველი, როგორ ანიშნებდა მართალს თავისი კიდობანში დაბრუნებითა და იქ ყოფნით, რომ კიდევ ცოტა მოეთმინა. ამიტომ, "მერმე შემდგომად შჳდთა დღეთასა, — ნათქვამია, — კუალად განავლინა ტრედი კიდობნისაგან" (). "და მოაქცია მისა მიმართ ტრედმან მიმწუხრი და აქუნდა ზეთისხილისა ფურცელი რტოჲთა პირსა შინა მისსა" (). სიტყვა "მიმწუხრი" აქ უბრალოდ და უმიზნოდ არ არის ხმარებული, არამედ იმისთვის, რომ ვიცოდეთ, რომ მტრედმა კიდობნის გარეთ მთელი დღე გაატარა და ბუნებრივი საკვები რომ იპოვა, უკვე საღამოს დაბრუნდა, ზეთისხილის რტოთი ნისკარტში. ასეთია ეს ცხოველი — მშვიდი, რომელსაც ყოველთვის ამხანაგობის ყოფნა უყვარს: ამიტომაც დაბრუნდა კიდობანში და ზეთისხილის რტოთი მართალს დიდი ნუგეში მოუტანა. მაგრამ შეიძლება ვინმემ თქვას: სად იპოვა მტრედმა ზეთისხილის რტო? ყოველივე ღვთის განგების საქმე იყო: ისიც, რომ რტო იპოვა, ისიც, რომ მტრედმა ის ნისკარტში აიღო და მასთან ერთად მართალთან დაბრუნდა; მეორე მხრივ, ცნობილია, რომ ეს ზეთისხილის ხე მუდამ მწვანეა და, სავარაუდოდ, წყლის მოკლების შემდეგ ჯერ კიდევ ჰქონდა ფოთლები. **"...
დაბადებისა 8:10
9. და ვერ მპოვნელი განსუენებასა ტრედი ფერჴთა მისთასა მოიქცა მისა მიმართ კიდობნად, რამეთუ წყალი იყო ყოველსა ზედა პირსა ქუეყანისასა, და განყო ჴელი მისი, მიიქუა იგი და შეიყუანა იგი თავისა თჳსისა თანა კიდობნად.10. მერმე შემდგომად შჳდთა დღეთასა კუალად განავლინა ტრედი კიდობნისაგან.11. და მოაქცია მისა მიმართ ტრედმან მიმწუხრი და აქუნდა ზეთისხილისა ფურცელი რტოჲთა პირსა შინა მისსა და ცნა ნოე, რამეთუ მოაკლდა წყალი პირისაგან ქუეყანისა.
დაბადებისა თავი 8