თარგმანი: ამით სიტყჳთა დაჰჴსნის მოყუასთა მაბრალობელობასა და ურთიერთას განმკითხველობასა, რაჲთა ამისისა გონებისაგან უცალო იყოს კაცი, ვითარმედ: თჳსი ტჳრთი ჰკიდავს და სიტყჳს-მიცემაჲ უნებს მისთჳს, რაჲ-იგი თჳთ უცოდავს, არა — რაი-იგი მოყუასსა. ამისთჳს თჳსთა ცოდვათა ზრუნევდინ და ნუ მოყუსისათა გამოეძიებს.
გალატელთა მიმართ 6:5
4. არამედ საქმენი თჳსნი გამოიცადენინ კაცად-კაცადმან, და მაშინ თავისა თჳსისა ხოლო ქებაჲ აქუნდეს, და არა მოყუსისა მიმართ,5. რამეთუ კაცად-კაცადმან თჳსი ტჳრთი იტჳრთოს.6. ხოლო ეზიარებოდენ უმეცარი იგი სიტყუასა მასწავლელისასა ყოველსა შინა კეთილსა.
გალატელთა მიმართ თავი 6