ფსალმუნნი 103:21

...ბუნებას ამბობს, როგორც სხვაგანაც, როცა ამბობს: „მართუეთა ყორნისათა, რომელნი ხადიან მას“ (ფსალმ 146:9), თუმცა ცხოველები გონებას მოკლებულნი არიან. და კვლავ: „ლეკუნი ლომთანი მყჳრალნი ტაცებად და თხოვად ღმრთისაგან საზრდელსა მათსა“ (ფსალმ 103:21). თუმცა ესენიც გონებას მოკლებულნი არიან და თვითონ არ ეძებენ; აქაც წინასწარმეტყველი კვლავ თვით მოვლენის ბუნებაზე ლაპარაკობს, რადგან ასეთი თქმა მათ არჩევანს კი არ მიეწერება, არამედ იმის ბუნებას, რაც ხდება. „აღაღებ შენ ჴელსა შენსა და განაძღებ ყოველსა ცხოველსა ნებისაებრ“ (ფსალმ 144:16). წინასწარმეტყველი „ხელს“ მოქმედებასა და მომნიჭებელ ძალას უწოდებს; ყოველივე ამის მეშვეობით გასწავლის, რომ ნაყოფთა წარმოშობის სათავე სტიქიონებში კი არ არის, არამედ ღმერთის განგებაში. ან სიადვილის საჩვენებლადაც თქვა: „აღაღებ შენ ჴელსა შენსა“ (ფსალმ 144:16). რადგან განსაკუთრებით მაშინდ...