...რდა შვილი, ვიდრე ვისმე სხვას; ხოლო ეს კაცისმკვლელი კი არ იყო, არამედ არაჩვეულებრივი მოშურნე. თითოეულმა მათგანმა ღვთისთვის სათნო საქმე აღასრულა; და ამიტომ ერთი ზეციდან დიდი ჯილდოთი ღირსდება მორჩილებისთვის, ხოლო მეორე მოშურნეობის გამო იდიდება. „და დადგა ფინეზ და ლხინება-ყო, — ნათქვამია, — და დაეყენა სრვა“ (). მაშ, თუ კაცის მოკვლა და შვილის შეწირვა მათში მოწონებული იქნა, რადგან ღვთის ნებით აღსრულდა, და ჩვენ არა თავად მოვლენებს ვაკვირდებით, არამედ მათ მიზანსა და იმათ განზრახვას, ვინც ასეთ საქმეებს აღასრულებდა, — მით უმეტეს აქ (იაკობის ისტორიაში) ასე უნდა ვიმსჯელოთ.
3. ისაკის კურთხევა იაკობისადმი (27:20–30)
მაშ, არა იმას შეხედო, რომ იაკობის მიერ ნათქვამი სიცრუე იყო, არამედ იფიქრე იმაზე, რომ თავად ღმერთმა ყველაფერი ასე მოაწყო, რადგან თავისი წინასწარმეტყველების აღსრულება სურდა. და, რომ დარწმუნდე, რომ ღმერთი ამ ყველაფერს შეეწეოდა და ძნელს ადვილს ხდიდა, შეხედე, როგორ ვერ შეამჩნია მართალმა მოტყუება, არამედ იაკობის სიტყვების დაჯერებითა და მოტანილი საჭმლის სიამოვნებით მიირთმევით მას კურთხევებით ამკობდა. ხოლო ესავიც არა მანამდე ბრუნდება ნადირობიდან, სანამ ყველაფერი არ დამთავრდა, და ამგვარად ყველაფერი გვიჩვენებს, რომ ეს საქმე ღვთის განზრ...