თ ა რ გ მ ა ნ ი: ჵ უგულისხმოებაჲ ესე! არა დასცხრა იგი სიტყუად მათა მამისათჳს, და ჯერეთ არა იცოდეს. ხოლო ვინაჲთგან ესეოდენნი სასწაულნი და ნიშებნი უჩუენნა და ესეზომად ასწავა და ვერ მოაქცინა კეთილისა მომართ, ამისთჳს ამიერითგან ჯუარ-ცუმისათჳს იწყებს სიტყუად და იტყჳს:
სახარებაჲ იოვანესი 8:27
26. მრავალი მაქუს თქუენდა სიტყუად და განკითხვად, არამედ რომელმან მომავლინა მე, ჭეშმარიტ არს, და რაჲ-იგი მესმა მისგან, მას ვიტყჳ სოფელსა ამას შინა.27. ხოლო მათ არა ცნეს, რამეთუ მამასა თჳსსა უთხრობდა მათ.28. მერმე ჰრქუა მათ იესუ: ოდეს აღამაღლოთ ძე კაცისაჲ, მაშინ სცნათ, რამეთუ მე ვარ და თავით ჩემით არას ვიქმ, არამედ ვითარცა მასწავა მე მამამან, მასცა ვიტყჳ.
სახარებაჲ იოვანესი თავი 8