თარგმანი: თჳსთა მოვიდეს, ესე იგი არს მოყუასთა მათთა თანა მოციქულთა და მათ თანა მყოფთა მორწმუნეთა, და მიუთხრეს მათ სასწაულიცა იგი და მის ძლით ქმნილი პყრობილებაჲ და შინებით თქუმაჲ მღდელთმოძღუართაჲ. და ესრეთ წადიერებით აღძრეს სურვილი მათი შევრდომით და ერთ-ჴმობით ლოცვად.
საქმე წმიდათა მოციქულთაჲ 4:24
23. ხოლო ესენი, ვითარცა განუტევნეს მათ, მოვიდეს თჳსთა თანა და უთხრეს მათ, რაჲ-იგი მღდელთ მოძღუართა და მოხუცებულთა ჰრქუეს მათ.24. ხოლო მათ, ვითარცა ესმა ესე, აღიღეს ერთბამად ჴმაჲ ღმრთისა მიმართ და თქუეს: უფალო ღმერთო, შენ ხარ, რომელმან ჰქმენ ცანი და ქუეყანაჲ და ზღუაჲ და ყოველი, რაჲ არს მათ შინა,25. რომელმან მამისა ჩუენისა დავით მონისა შენისა პირითა სთქუ სულისა მიერ წმიდისა: რად აღიძრნეს წარმართნი და ერმან იზრახა ცუდი?
საქმე წმიდათა მოციქულთაჲ თავი 4