დაბადება 34:20

...ა ემორისა. და არღარა ყოვნა ჭაბუკმან მან ყოფად საქმისა ამის, რამეთუ ტრფიალ იყო ასულისა იაკობისა"** (დაბ 34:18–19), ანუ მთლიანად ქალწულისადმი ვნებას მისცა თავი. თავისი ქალაქის კარიბჭესთან მოსულმა ძესთან ერთად მამამ ქალაქის მცხოვრებლებს მიმართა და ყველას იაკობის ძეთა წინადადების თანახმად წინადაცვეთის მიღება ურჩია (დაბ 34:20). მცხოვრებლებმა მაშინვე შეასრულეს ემორისა და სიქემის სიტყვა და ყველამ ერთად წინადაცვეთის ნიშანი დაისვა სხეულზე. ხოლო სიმეონმა და ლევიმ, ამის შეტყობისთანავე, გადაწყვიტეს თავიანთი ჩანაფიქრი ასრულებაში მოეყვანათ. „მოიღეს, — ნათქვამია, — კაცად-კაცადმან მახჳლი თჳსი და შევიდეს ქალაქად განკრძალულებით" (დაბ 34:25). რას ნიშნავს „განკრძალულებით"? იმას, რომ თუმცა ისინი ორი გამოვიდნენ ასეთი სიმრავლის წინააღმდეგ, მაგრამ დიდ უსაფრთხოებას ის აძლევდათ, რომ ყველა დაჭრილივით იწვა. ამის ასახსნელად საღვთო წერილი შენიშნავს: „და იყო დღესა მესამესა, ვითარ იყვნეს ოდენ სალმობასა შინა". ეს გარემოება სიმეონსა და ლევის უსაფრთხოებას აძლევდა და მათ ორს ბევრზე ძლიერს ხდიდა. „და მოსრეს ყოველივე მამაკაცი", ანუ ყველა მამაკაცი, რომლებიც წინადაცვეთის სალმობაში იწვნენ და, ასე ვთქვათ, უკვე მოკვლისთვის მზად იყვნე...