დაბადება 34:3

...ვ, — რომელი მივეც აბრაჰამს და ისაკს, შენ მიგცე იგი, და შენდა იყოს და ნათესავისა შენისა შემდგომად შენსა"** (დაბ 35:12). რადგან იაკობი, სიმეონისა და ლევის ცნობილი საქციელის გამო ამბობდა: „მე მცირე ვარ რიცხჳთ და შეკრბენ ჩემ ზედა და მომსრან მე და აღვიჴოცო მე და სახლი ჩემი" (დაბ 34:30), — და ყველაფერში სულმოკლეობასა და დიდ შიშს ავლენდა, ამიტომ კაცთმოყვარე უფალი ახლა ეუბნება: შენ თქვი: „მცირე ვარ რიცხჳთ", მაგრამ იცოდე, რომ შენი თესლი გამრავლდება, გავრცელდება და ისე სახელოვანი იქნება, რომ ხალხთა შეკრებანიცა და მეფენიც წარმოიშობიან მისგან; არა მხოლოდ არ აღიხოცები, არამედ შენ და შენი თესლი ამ მთელს ქვეყანას დაიმკვიდრებთ. ასეთი აღთქმების მიცემის შემდეგ, „აღვიდა, — ნათქვამია, — ღმერთი მიერ ადგილით, სადა-იგი ეტყოდა მას" (დაბ 35:13). შეხედე, როგორ საღვთო წერილი ჩვენდამი შემწყნარებულული გამოთქმებით გვიხსნის. „აღვიდა, — ამბობს, — ღმერთი მიერ", — არა იმისთვის ასე ამბობს, რომ ღვთაებას რაიმე ადგილით შემოსაზღვრულად წარმოვიდგინოთ, არამედ იმისთვის, რომ ამაშიც ღვთის გამოუთქმელი კაცთმოყვარეობა შევიცნოთ. ამგვარ თხრობაშიც სულიწმიდის მადლი ადამიანურ სისუსტეს შეუწყნარდება. სიტყვებ...

...განიცადონ ულაგმობისგან, საკმარისი ნუგეში ჰქონდეთ და ხორციელი ვნებების მოთოკვისა და სასჯელის თავიდან არიდების უნარიც ჰქონდეთ. მაგრამ ვნახოთ, როგორ იმოქმედა მოხუცებულ იაკობზე ძეების საქციელმა. „ჰრქუა იაკობ სჳმეონს და ლევის: საძულელ მქმენით მე, რათა ვიყო ვითარცა ბოროტი ყოველთა მკჳდრთა შორის ამის ქუეყანისათა" (დაბ 34:30). რისთვის, ამბობს, ასეთი შურისძიება მოახდინეთ? თქვენმა საქციელმა ამ მიწის ყველა მცხოვრების უდიდესი სიძულვილი აღძრა ჩემს წინააღმდეგ. შემდეგ, შიშს რომ გამოხატავს, ამატებს: „მე მცირე ვარ რიცხჳთ და შეკრბენ ჩემ ზედა და მომსრან მე და აღვიჴოცო მე და სახლი ჩემი" (დაბ 34:30). თითქოს ასე ამბობდა: ნუთუ არ იცით, რომ ჩვენ ცოტანი ვართ და ჩვენ თავად შეიძლება იგივე განვიცადოთ, რისი გაკეთებაც მათ მიმართ გადაწყვიტეთ. და როგორც სიქემი გახდა ასეთი დაღუპვის მიზეზი მამისთვისა და ქალაქის ყველა მცხოვრებისთვის, ასევე თქვენ — ჩემთვის. თქვენ გამო მეც საძულველი გავხდები და ვერაფერი შეუშლის ხელს მათ, თქვენი თავხედობის გამო მეც მომკლან. „ხოლო მათ ჰრქუეს: არამედ, ვითარცა მეძავი იჴმიონა დაჲ ჩუენი?" (დაბ 34:31). მაშ, იაკობის ძეებმა შურისძიება სიწმიდის გრძნობით მოახდინეს; ისინი...