დაბადება 46:26

.... „აღდგა, — ნათქვამია, — იაკობ... და ძეთა მისთა... და აღსხეს ჭურჭელი მათი... და შთავიდეს ეგჳპტედ" (დაბ 46:5-6). სამოცდაექვსი სულით ჩავიდა იაკობი ეგვიპტეში; იოსებიც თავისი ეგვიპტეში მყოფი ძეებით მეცხრე იყო, ისე, რომ იოსების ჩათვლით ყველა სული სამოცდაათხუთმეტი იყო (დაბ 46:26-27). რისთვის ჩამოთვალა საღვთო წერილმა ასეთი ზედმიწევნითობით პირთა რიცხვი? იმისთვის, რომ ჩვენ ვნახოთ, როგორ აღსრულდა ღვთის წინასწარმეტყველება იაკობისადმი: „ნათესავად დიდად გყო შენ მუნ". ამ სამოცდაათხუთმეტი სულისგან ისრაელის შთამომავლობა ექვსასი ათასამდე გავრცელდა. ხედავ, რომ წერილმა არა ტყუილად და არა უმიზნოდ ჩამოგვითვალა ეგვიპტეში გადასახლებულთა რიცხვი, არამედ იმისთვის, რომ გვენახა, რა მცირე რიცხვიდან რა დიდი რიცხვი წარმოიშვა, და ამის ხილვით მუდამ გვრწმენოდეს ღვთიური აღთქმებისა. როცა გაიფიქრებ, რომ იაკობისა და იოსების გარდაცვალების შემდეგ ეგვიპტის მეფე ყველა ძალისხმევას ხმარობდა მათი შთამომავლობის შესამცირებლად და გამრავლების ასარიდებლად, მაგრამ ვერ მოახერხა ეს, არამედ იაკობის მოდგმა უფრო და უფრო მატულობდა და მრავლდებოდა, — გაუკვირდი და განცვიფრდი ღვთის განგებით და იცოდე, რომ მისი განჩინება აუცილებლად აღსრულდება, თუნდაც ვინმე...