დაბადება 49:22

...** (დაბ 49:20). „ნეფთალემ, ხე მცენარე, მოსცემდეს ნაყოფთა სიკეთისათა" (დაბ 49:21). მოკლედ შეხო რა ამ ძეებს, იაკობი შემდეგ იოსებზე გადადის და ამბობს: „შვილი აღორძინებული იოსებ, შვილი ჩემი აღორძინებული საშურველი ძე ჩემი უმრწემესი" (დაბ 49:22). შენ თავიდანვე შურის საგანი გახდი: „ჩემდა მოიქცე, რომლისათჳს ზრახვა-ყვეს", — ძმების შეთქმულებას გულისხმობს. რადგან ზემოთ ნათქვამი იყო, რომ მათ მამას ცუდი ჭორი მიუტანეს იოსებზე, იაკობი აქაც ამბობს: „რომლისათჳს ზრახვა-ყვეს და ძმაცვიდეს და ემტერნეს მათ უფალნი იგი მშჳლდთანი" (დაბ 49:22-23), მათ მკვლელობრივ ჩანაფიქრზე მიუთითებს. „და შეიმუსრა ძალითურთ მშჳლდები მათი". იხილე, როგორ, მათ მიერ იოსების წინააღმდეგ ხელყოფის ახსენების შემდეგ, თავად მათთანაც რა მოხდა, იმას ამბობს: „შეიმუსრა ძალითურთ მშჳლდები მათი და დაჴსნდეს ძარღუნი მკლავთა ჴელთა მათთანი". ისინი მის მოკვლას ცდილობდნენ და, რამდენადაც შეეძლოთ, თავიანთ ჩანაფიქრს აღასრულებდნენ; მაგრამ მათი მშვილდი შეიმუსრა და მკლავნი დაუძლურდათ. ნამდვილად ხომ ეს დაემართათ, როცა იოსების სიტყვები მოისმინეს: **„მე ვარ იოსებ, ძმაჲ თქუენი, რომე...