...ერილი ყოველივეზე ადამიანურად. "დასწყდეს, — ამბობს, — წყარონი უფსკრულისანი და საქანელნი ცისანი, მოაკლდა წყალი, მავალი ქუეყანისაგან". თითქოს ასე ამბობს: მოისურვა უფალმა და წყალმა ისევ თავის ადგილს დაიკავა; უკვე აღარ მატულობდა, არამედ თანდათან იკლებდა. "და შემცირდებოდა წყალი შემდგომად ასერგასისთა დღეთასა" (). რომელ გონებას შეუძლია ოდესმე ეს გაიგოს? დავუშვათ, წვიმა შეწყდა, წყარონი აღარ მოდიოდა და ცის საქანელნი დაიკეტა, მაგრამ როგორ მოაკლდა ესოდენ დიდი წყალი? ყოველივე უფსკრული იყო: მაშ, წყლის ესოდენ დიდი სიუხვე როგორ დაიწყო კლება? ვის შეუძლია ეს ადამიანური გონებით ახსნას? მაშ, რა ვთქვათ? ყოველივე ღვთის ბრძანებით სრულდებოდა.
4. კიდობანი არარატზე, ყორანი და მტრედი (8:4-13)
ნუ გამოვიძიებთ ჩვენც, როგორ მოხდა ეს, არამედ მხოლოდ ვირწმუნოთ, რომ ღმერთმა ბრძანა და უფსკრული მაღლა ავიდა; ბრძანა და მისი დინება შეჩერდა და თავის ადგილზე დაბრუნდა, რომელიც მხოლოდ თავად უფალმა იცის, მისმა შემქმნელმა. "და დადგა, — ნათქვამია, — კიდობანი თთუესა მეშჳდესა ოცდაშჳდისა მის თთჳსასა მთათა ზედა არარატისასა. ხოლო წყალი... შემცირდებოდა ვიდრე მეათედ თთუემდე და მეთერთმეტესა თთუესა, პირველსა თთჳსასა, გამოჩნდეს თავნი მთათანი" (...