იერემია 23:24

...და, ზემო სამყოფელნი რომ მიიღო, ჩვენ აქაურობა გამოგვიყო? ნუ იყოფინ! ეს ასე არ არის; ეს დამდაბლებული, ადამიანთა საზომს მისადაგებული გამოთქმაა. თუ ასე იქნებოდა, მაშინ როგორ დადგებოდა მეორე, ღვთის მიერ ნათქვამი სიტყვა: „ნუ არა ცასა და ქუეყანასა მე აღვავსებ? - იტყჳს უფალი“ (იერ 23:24). რადგან ის ამას ეწინააღმდეგება, თუ სიტყვას ზედაპირული წარმოთქმის მიხედვით მივიღებთ და ამ სიტყვებში დაფარულ ჭვრეტას არ დავუკვირდებით. მაშ, რას ნიშნავს ის, რასაც ამბობს: „ცანი ცათანი უფლისანი არიან, ხოლო ქუეყანა მოსცა ძეთა კაცთასა.“ (ფსალმ 113:24)? დამდაბლებულ, ადამიანთა საზომს მისადაგებულ სიტყვას იყენებს და ღმერთს ზეცაში არ ზღუდავს. რადგან არც ეს: „ცაჲ საყდარ ჩემდა, ხოლო ქუეყანა კუარცხლბეკ ფერჴთა ჩემთა“ (ესაია 66:1), და არც ეს: „ცასა და ქუეყანასა მე აღვავსებ“ (იერ 23:24), მას ღირსეულად არ გამოხატავს; არამედ ესეც დამდაბლებული, ჩვენთვის მისადაგებული გამოთქმაა. რადგან თავად მოიცავს ყოველივეს, ყოვ...