თ ა რ გ მ ა ნ ი: ჰხედავა, რამეთუ აღამაღლებს მას ქუეყანით და ასწავებს, რაჲთა არა კაცად შეჰრაცხოს იგი? რამეთუ რომელსა ანგელოზნი ჰმსახურებენ, ვითარმცა იყო იგი კაცი? ამისთჳს თქუა, ვითარმედ: „უფროჲსი ამისა იხილო”, რომელ არს ანგელოზთა მსახურებაჲ. ხოლო სიტყუაჲ ესე ესევითარი არს, ვითარმედ: დიდად გაქუს ესე, ჵ ნათანაელ, და ამისთჳს მეუფედ ისრაჱლისა მიწოდე, ხოლო რაჟამს იხილო ანგელოზთა აღსლვაჲ და გარდამოსლვაჲ ჩემ ზედა, მაშინ რაჲ ჰყო? რაჲთამცა ესრეთ დაარწმუნა, რაჲთამცა მეუფედ ანგელოზთა აღიარა იგი, რამეთუ მარადის მოვიდოდეს იგინი მისა, ვითარცა მონანი, ჟამსა მას ჯუარსცუმისასა და აღდგომისა და ამაღლებისასა, და რაჟამს იყო უდაბნოს, და ჟამსა მას შობისასა, და სხუაჲ მრავალგზის. ხოლო ამათ სიტყუათა მიმართ ნათანაელ არარაჲ მიუგო, ამისთჳსცა ქრისტემან აქამომდე ყო სიტყუაჲ თჳსი და დაუტევა, რაჲთა თჳსაგან გულისხმა-ყოს მან ძალი მათ სიტყუათაჲ, რამეთუ ქუეყანასა კეთილსა შინა დასთესა თესლი და დაუტევა, რაჲთა აღმოეცენოს.
იოანეს სახარება 1:51
50. მიუგო იესომ და უთხრა: გწამს, ვინაიდან გითხარი, ლეღვის ქვეშ მყოფი გიხილე-მეთქი; ამაზე მეტსაც იხილავ.51. და უთხრა მას: ჭეშმარიტად, ჭეშმარიტად გეუბნებით თქვენ: ამიერიდან იხილავთ გახსნილ ცას და ღმრთის ანგელოზებს, აღმავალთ და გადმომავალთ კაცის ძეზე.
იოანეს სახარება თავი 1