თარგმანი: კითხვისსახედ ეტყჳს მათ სიტყუათა ამათ და თჳთ მათვე მოწამედ იჴუმევს, ვითარმცა ეტყოდა, ვითარმედ: თქუას ვინმე, ნუუკუე დაღაცათუ მე თჳთ არაჲ მოვიღე თქუენგან მეცნიერებით; ესე იგი არს, ღონისძიებით რაჲმე ვზაკუე, რაჲთა სხუათა ჩემ მიერ მოვლინებულთა ბირებითა მოგიყვანნე თქუენ მოცემად რაჲსმე, ვითარმცა მათსა პირსა ზედა მოცემულსა მე ვიჴუმევდი. აწ უკუე, თქუენვე თქუთ, არა ჩემთავე კუალთა შეუდგაა ამის პირისათჳს, ვინცა-იგი იყო ჩემ მიერ მივლინებული თქუენდა, ანუ მო-რაჲმე-იანგაჰრაა თქუენგან? (რამეთუ ანგაჰრებად და მოხუეჭად შეირაცხების არა ნებსითითა გულსმოდგინებითა მოცემული, არამედ იმულებითითა თხოვითა მოღებული რაჲცა). ნამდჳლვე დიდ შესმენა მათდა იყო ესე, უკუეთუ პავლეს და მოწაფეთა მისთა საზრდელი იმულებითად და არა ნებსითად მათდა შეერაცხა.
2 Corinthians 12:16
15. And I will very gladly spend and be spent for you; though the more abundantly I love you, the less I be loved.16. But be it so, I did not burden you: nevertheless, being crafty, I caught you with guile.17. Did I make a gain of you by any of them whom I sent unto you?
2 Corinthians თავი 12