თარგმანი: ვითარ-იგი უსაკუთრეს არს, რაჲთა არა, მო-რაჲ-ვიდენ ჩემ თანა მაკედონელნი, და გპოვნენ თქუენ განუმზადებელნი, სირცხჳლეულ ვიქმნნეთ ჩუენ, (რაჲთა არა ვთქუა, ვითარმედ: "თქუენ") გუამსა ზედა ამის სიქადულისასა. რამეთუ კრძალულებით ჰყოფს სიტყუასა მხილებისასა ღონისძიებით შერცხჳნებითა უძლურთა მათ და ლიტონთა ერთაჲთა, რაჲთა დაღაცათუ სხჳსა არარაჲსათჳს, მებრვე ამისთჳს წინა-განემზადნენ, რაჲთა არა რაჟამს მას თანა მიჰყვენ მაკედონელნი, და იხილნენ იგინი განუმზადებელნი, სირცხჳლეულ იქმნეს პავლე, რომელმან იქადა განმზადებულ ყოფაჲ განუმზადებელთაჲ მათ. ამისსა შემდგომად იტყჳს: რაჲთა არა ვთქუა, ვითარმედ "თქუენ"; ვითარმედ გერიდები თქუენ სიტყუად ამას, რამეთუ თქუენცა ჩემ თანა სირცხჳლეულ ყოფად ხართ, რაჟამს გუამ არა აქუნდეს სიტყუასა სიქადულისა ჩემისასა, რამეთუ თითოეულისა სიტყჳსა გუამ არს საქმით ქმნაჲ სიტყჳთ თქუმულისაჲ. ვინაჲცა ზოგად სირცხჳლეულ ვიქმნებით, არა სხუასა რასმე ზედა, არამედ ამას ოდენ გუამსა მოწყალებისასა, რაჟამს ასოთა სიტყჳსა ჩემისათა არა მისცეთ თქუენ გუამი საქმისაჲ.
2 Corinthians 9:4
3. Yet have I sent the brethren, lest our boasting of you should be in vain in this behalf; that, as I said, ye may be ready:4. Lest haply if they of Macedonia come with me, and find you unprepared, we (that we say not, ye) should be ashamed in this same confident boasting.5. Therefore I thought it necessary to exhort the brethren, that they would go before unto you, and make up beforehand your bounty, whereof ye had notice before, that the same might be ready, as a matter of bounty, and not as of covetousness.
2 Corinthians თავი 9