თარგმანი: ესევითარსა რასმე ზღაპრობენ წარმართნი ღმერთთა მათთათჳს, ვითარმედ არეს მიერ მოკლულ იქმნა ალიროთიოს, ძე პოსიდონისი, ვითარცა იძულებით განმხრწნელი ასულისა მისისაჲ, და ამის მკლველობისათჳს საშჯელი მიეჴადა არეს სხუათა მიერ ღმერთთა ათორმეტთა. ვინაჲცა ადგილსა მას, რომელსა შინა მიჰჴადეს არეს პატიჟი ალიროთიოჲს სისხლთაჲ, არიოპაგი უწოდეს, რომელი გამოითარგმანების კლდედ არეოჲსსა. და განაწესეს, რაჲთა მუნ განიბჭობვოდის ყოველი საქმე მოსისხლეთაჲ. და ნაცვალად ათორმეტთა მათ ღმერთთა, ათორმეტნი კაცნი დასხდებოდეს ბჭედ. რამეთუ ათინელთა შორის ორნი ადგილნი იყვნეს სამშჯავროჲსანი, რომელთაგანსა ერთსა მას რაჲ წელ ერგასისნი ბჭენი იცვალებოდიან, ხოლო მეორესა მარადის იგივე და ერთგზის ჩინებულნი ათორმეტნი კაცნი დასხდებოდიან ბჭობად კაცის-მკლველთა საქმისა და სხუათაცა უპატიოსნესთა საქმეთა ქალაქისათა განაგებდიან. ამას ადგილსა ეწოდებოდა არიოპაღოს, რამეთუ პაღოს უწოდიან ადგილსა მაღალსა, ბორცუსა ანუ მწუერვალსა კლდისასა. ამისთჳსცა არი კაცისა სახელი არს, ხოლო პაღოს ადგილისა მაღლისაჲ. ამას ადგილსა მიიყვანეს პავლე, ვითარცა სასისხლესა, რაჲთა შიშითა სიკუდილისაჲთა დააყენონ...
Acts 17:20
19. And they took him, and brought him unto Areopagus, saying, May we know what this new doctrine, whereof thou speakest, is?20. For thou bringest certain strange things to our ears: we would know therefore what these things mean.21. (For all the Athenians and strangers which were there spent their time in nothing else, but either to tell, or to hear some new thing.)
Acts თავი 17