თარგმანი: კორინთე არს ქალაქი შორის ზღუასა პელოპონნისისასა, სადა-იგი მივიდა რაჲ მოციქული, პოვა მუნ აკჳლა შჯულითა ჰურიაჲ, ნათესავით პონტოელი. ორნი არიან პონტონი: პონტოჲ ევქსინოჲსაჲ და პონტოჲ პოლემონიაკოჲსა სამთავროჲსაჲ. ხოლო იტალია ეწოდების სოფელსა იტალოჲს მიერ შენებულსა, რომელ არს ქუეყანასა ჰრომისასა. ამიერ მოსრულ იყო მაშინ აკჳლა პრისკილაჲთურთ, ცოლით მისით. რამეთუ ნერონის ზე მოიკლა პავლე, ხოლო კლავდისგან აღიძრა დევნულებაჲ ჰურიათა ზედა, წინა-განგებით, რაჲთა ჰურიანი, ვითარცა საძაგელნი, განისხნენ ჰრომით, ხოლო პავლე არა ვითარცა ჰურიაჲ იდევნოს, არამედ ვითარცა ჰრომთა წესთ დამცვლი, შეკრული მიიყვანოს ჰრომედ და თჳნიერ წინა-აღდგომისა ჰურიათაჲსა კადნიერებით ქადაგოს ქრისტე. ხოლო შენ იხილე სიმდაბლე პავლესი, ანგელოზთაგან განსაკჳრვებელი და ეშმაკთა მიერ შესაძრწუნებელი, ვითარ მოძღუარი ყოვლისა სოფლისაჲ არა უღირს-იჩინებს მეპრატაკისა თანა დადგრომად და კერვად ტყავისა და ტარსიკონისა, რაჲთა ჴელნი მისნი კმა-იყვნენ საზრდელად მას და მის თანათა. რაჲ-მე სიტყუაჲ მივსცეთ ღმერთსა, რომელნი-ესე მოცალებით და განსუენებით ყოფასა შინა არა ვაშრომებთ ჴელთა ჩუენთა. ხოლო იგი...
Acts 18:2
1. After these things Paul departed from Athens, and came to Corinth;2. And found a certain Jew named Aquila, born in Pontus, lately come from Italy, with his wife Priscilla; (because that Claudius had commanded all Jews to depart from Rome:) and came unto them.3. And because he was of the same craft, he abode with them, and wrought: for by their occupation they were tentmakers.
Acts თავი 18