თარგმანი: ესე არს სიბრძნით ქცევაჲ გარეშეთა მიმართ, რაჲთა ვეკრძალებოდით მათ, რომელნი უცხო და გარეგან არიან სარწმუნოებისაგან ჩუენისა, რამეთუ არა ეგოდენ გუაბრალებენ მცირეთა რათმე ცთომათა გამოძიებითა და განკითხვითა, ძმანი ჩუენნი და ზიარნი სარწმუნოებისა ჩუენისანი, ვითარ უცხონი შჯულისა და წესისა ჩუენისაგან, რომელნი-იგი კნინოდენსა მიზეზსა ეძიებენ მცირისა ცთომისასა, რაჲთა მის ძლით მგმობარ ექმნნენ სარწმუნოებასა ჩუენსა. ხოლო ჟამთა გამოფრდაჲ ესე არს, რაჲთა გულისჴმა-ყოს კაცმან წარმავალობაჲ ამის საწუთროჲსაჲ, ვითარმედ არა ჩუენი არს, არამედ მდინარე და წარმავალი ჩუენგან; და მოიყიდოს მისგანი რაჲმე, მას შინა მოქმედებითა წარუვალთა და საუკუნოდ მის თანა დაშთომადთა საქმეთაგანისათა, რაჲთა ჴორციელითა მოიგნეს სულიერნი, და წარმავალითა და საწუთროჲთა — საუკუნენი და სამარადისონი.
Colossians 4:5
4. That I may make it manifest, as I ought to speak.5. Walk in wisdom toward them that are without, redeeming the time.6. Let your speech be alway with grace, seasoned with salt, that ye may know how ye ought to answer every man.
Colossians თავი 4