Ezekiel 3:18

...მოისმინო, როგორ იღუპებიან ზოგნი უდროო დუმილის გამოც, მე გაჩვენებ. რადგან ამბობს: „და არა თუ განამკაცრო იგი, არცა ჰრქუა განმკაცრება უსჯულოსა მოქცევად მისა გზათაგან მისთა, ცხოვნებად მისსა, უსჯულოჲ იგი უსჯულოებითა მისითა მოკუდეს, და სისხლი მისი ჴელისაგან შენისა გამოვიძიო“ (ეზეკ 3:18). სხვა კი იმის გამო იღუპება, რომ ზოგიერთთან განურჩევლად ლაპარაკობს და მისთვის მინდობილს გადმოღვრის. რადგან ამბობს: „ნუ მისცემთ სიწმიდესა ძაღლთა, ნუცა დაუფენთ მარგალიტსა თქუენსა წინაშე ღორთა“ (მათ 7:6). სხვა სიცილის გამო იღუპება; ამიტომაც ამბობს: „ვაჲ თქუენდა, რომელნი იცინით აწ, რამეთუ იგლოვდეთ და სტიროდით“ (ლუკ 6:25).

ხედავ, როგორ ღუპავს პირი? ახლა იხილე, როგორ აცხოვნებს პირი საპირისპირო საქმეებით. ხედავ ფარისეველს, რომელიც პირით იღუპება? იხილე მეზვერე, რომელიც იმავე პირით ცხონდა....

..., ბრძანების მიღების შემდეგ, მდინარესთან შვიდ დღეს აყოვნებს, თავს იკავებს და ყოყმანობს. ამიტომაც ღმერთმა ის იგავური გაფრთხილება დაუმატა და თქვა: „ებგურად მიგეც სახლსა ისრაილისასა“ (ეზეკ 3:17) და: „მათი სული შენი ხელიდან გამოვიძიო“ (ეზეკ 3:18)⁴.

იონა კი არა მხოლოდ უარს ამბობდა, არამედ გაიქცა კიდეც. მაშ, რა? განა ესაია ყველაზე, თვით დიდ მოსეზეც კი, უფრო გაბედული იყო? ვინ იტყოდა ამას? მაშ, რატომ იყო, რომ მოსე, როცა ებრძანა, თავს იკავებდა, ხოლო ესაია, რომელსაც ცხადადაც არ ჰქონია ბრძანება, მაშინვე ჩაეჭიდა საქმეს? რადგან ღმერთს არც უთქვამს: „წადი“, არამედ როცა ღმერთი ამბობდა: „ვინ მივავლინო“ (ესაია 6:8), ესაიამ ბრძანება მაშინვე იტაცა. ზოგნი ამბობენ, რომ ესაიამ შესცოდა, რადგან...