თარგმანი: კეთილად და მტკიცედ უწყოდე, ვითარმედ ვითარ-იგი ჟამ ერთ მიშუებაჲ წინადაცუეთისაჲ, ეგრეთვე აწინდელიცა ესე წინააღდგომაჲ პავლესი პეტრეს მიმართ განგებულებაჲ იყო და არა გულითადი მკსინვარებაჲ. ამისთჳს თჳთვე იტყჳს, ვითარმედ: "წინაშე პირსა მისსა აღუდეგ", ესე იგი არს, ვითარმედ გარეშე ოდენ პირისაჲ იყო წინააღდგომაჲ ჩუენი, რომელთა გულნი ერთ იყვნეს ღმრთისა მიმართ. ხოლო მიზეზი ესე იყო რეცა წინააღდგომისაჲ მის, რამეთუ პეტრე უძლურებისათჳს ჰურიათაგანთაჲსა ჟამერთ თანა-მიჰყვებოდა სიჩჩოებასა მათსა, ვითარცა ქადაგი მათი და მათ შორის მყოფი, რეცა რიდობითა მათდა საძნაურთა საქმეთაჲთა, რომელნი-იგი მათ ძუელსა შინა აქუნდეს, არა პურისმტე ყოფაჲ წინადაუცუეთელისაჲ, და ამის საქმისა კრძალვასა ჯერეთ მათ თანა იჩემებდა პეტრე, ვიდრე იყო იგი იერუსალჱმს, ხოლო მო-რაჲ-ვიდა ანტიოქიად, არღარა საჴმარ იყო წარმართთა შორის ქონებაჲ მისვე რიდობისაჲ. ამისთჳს მათ თანა ჭამდა, ვიდრემდის მოივლინნეს მუნ იაკობისგან, ძმისა უფლისა და პირველისა ებისკოპოსისა იერუსალჱმისა, ჰურიათაგანნი მორწმუნენი, ჯერეთ დამცველნი ძუელთაცა წესთანი, რომელთა წინაშე შეიკდიმა პეტრე, რაჲთა არა გამოჩნდეს თჳთ...
Galatians 2:12
11. But when Peter was come to Antioch, I withstood him to the face, because he was to be blamed.12. For before that certain came from James, he did eat with the Gentiles: but when they were come, he withdrew and separated himself, fearing them which were of the circumcision.13. And the other Jews dissembled likewise with him; insomuch that Barnabas also was carried away with their dissimulation.
Galatians თავი 2