მაშ, მამამთავარს სახით სათნოების ასეთი მაგალითი რომ გვაქვს, მივბაძოთ მას. მოვიხსენიოთ ბოლოს, თუმცა გვიანაა, ჩვენი ღირსება და, მამამთავარს მივბაძავთ რა, ვიფიქროთ საკუთარ ცხონებაზე, ყოველგვარი გულმოდგინება გამოვიჩინოთ, რათა არამხოლოდ სხეული გვქონდეს ჯანმრთელი, არამედ სულიც განვკურნოთ მრავალგვარი სნეულებისგან. სულის სნეულებების განკურნება ხომ უფრო ადვილია, ვიდრე სხეულის დაავადებებისა, ოღონდ თავშეკავებულნი და ფხიზლად მყოფნი ვიყოთ. ასე, თუ რაიმე ვნება გვაღელვებს, მაგრამ ჩვენ ღვთისმოსავი გონებით სამსჯავროს საშინელ დღეს წარმოვიდგენთ და მხედველობაში ვიქონიებთ არა ახლანდელ სიამოვნებებს, არამედ მათ მომდევნო ტანჯვას, ვნება მაშინვე გაეცლება ჩვენს სულს და მიატოვებს მას. ნუ ვიქნებით უზრუნველნი, არამედ ვიცით რა, რომ ღვაწლი და ბრძოლა გველის, რომ ბრძოლად მზად უნდა ვიყოთ, მუდმივად შევინარჩუნოთ სულის სიმტკიცე და ფხიზლობა, რათა, ზეგარდმო შეწევნით, მტაცებელი მხეცის თავი შევამუსრათ, ანუ ვგულისხმობ ჩვენი ცხონების მტერს. თავად უფალმა აღგვითქვა ეს, როცა ბრძანა: „აჰა მიგცემ თქუენ ჴელმწიფებასა დათრგუნვად გუელთა და ღრიაკალთა და ყოველსა ზედა ძალსა მტერისასა"...
Genesis 18:19
18. Seeing that Abraham shall surely become a great and mighty nation, and all the nations of the earth shall be blessed in him?19. For I know him, that he will command his children and his household after him, and they shall keep the way of the LORD, to do justice and judgment; that the LORD may bring upon Abraham that which he hath spoken of him.20. And the LORD said, Because the cry of Sodom and Gomorrah is great, and because their sin is very grievous;
Genesis თავი 18