Isaiah 40:12

...რადგან როგორ მკვიდრობს ცათა შინა ის, ვინც ცასა და მიწას აღავსებს, ყველგან მყოფია და ამბობს: „ღმერთი მახლობელი მე ვარ, - იტყჳს უფალი, - და არა ღმერთი შორიელი“ (იერ 23:23); „ვინ აღწყო ჴელითა წყალი და ცაჲ მტკავლითა და ყოველი ქუეყანა მჯიღითა?“ (ესაია 40:12); „რომელსა უპყრიეს სიმრგულე ქუეყანისანი“ (ესაია 40:22)?

მაგრამ რადგან მისი სიტყვა იუდეველებისადმი იყო მიმართული, ამიტომ ამჟამად სიტყვას ამგვარად წარმართავს: ნელ-ნელა აღამაღლებს მათ გონებას, აზრს ფრთებს ასხამს და მშვიდად აჰყავს ზემოთ. სწორედ ამიტომ არც უბრალოდ თქვა: „რომელი მაღალთა შინა დამკჳდრებულ არს და მდაბალთა ჰხედავს“ (ფსალმ 112:5–6), არამედ ჯერ თქვა: „ვინ არს, ვითარ უფალი ღმერთი ჩუენი“ (ფსალმ 112:5), და მხოლოდ მაშინ დაუმატა: „რომელი მაღალთა შინა დამკჳდრებულ არს და მდაბალთა ჰხედავს“ (ფსალმ 112:5–6). ხოლო ის პირველი სიტყვა თქვა იმის საჩვენებლად, თ...

...ფსალმ 8:4); არა იმიტომ, რომ ღმერთს თითები აქვს, არამედ იმიტომ, რომ ხილულ საგნებს უმცირესი მოქმედებით შექმნილად აჩვენებს და ჩვენთვის ჩვეულებრივი სახელებით გვასწავლის ჩვენზე აღმატებულს. რადგან როცა ამბობს: „ცაჲ მტკავლითა და ყოველი ქუეყანა მჯიღითა“ (ეს 40:12), ამას მუჭისა და მტკაველის საჩვენებლად კი არ ამბობს, არამედ ღვთის ძალის უსაზღვროების წარმოჩენა სურს. მაშ როგორ კადრულობენ ზოგნი, ძეს მსახური უწოდონ? რადგან მან, როცა ცის შექმნა იყო საჭირო, თავისი მთელი მოქმედი ძალაც კი არ აუმოქმედებია; რას ვამბობ — მთელი? არც უმცირესი, არამედ მხოლოდ უმცირესზე უმცირესი. როგორ შეიძლება იგი მსახური იყოს? როგორ არის მსახური, თუ „რავდენსა-იგი მამაჲ იქმს, მას ძე ეგრეთვე მსგავსად იქმს“ (იოან 5:19)? სადღა არის „მსგავსად“, თუ ერთი მსახურია, ხოლო მეორე — შემოქმედი? და როგორ ამბობს, რომ საქმეები მისია, როცა ერთგან ამბობს: „დასაბამსა შენ, უფალო, ქუეყანა დააფუძნე, და ქმნილნი ჴელთა შენთანი ცანი არიან“ (ფსალმ 101:26),...