...რადგან იგი იმას კი არ ესწრაფვოდა, რომ საკუთარი ღირსების შესაფერისად ემეტყველა, არამედ იმას, რომ მსმენელთა სარგებლობის შესაფერისად ეთქვა.
რადგან სხვაგანაც, როდესაც კვლავ თავის უგულისწყრომელობას აჩვენებდა, ამბობდა: „ნუ მე განმარისხებენა იგინი?“ და „არა თავთა თჳსთა“ (). შენ კი როგორ ისურვებდი, მას იუდეველებისთვის ეთქვა: „არ რისხდება და არც ბოროტნი სძულს“? რადგან სიძულვილიც ვნებაა; ანდა უნდა ეთქვა, რომ ადამიანურ საქმეებსაც არ ხედავს? რადგან ხედვაც სხეულებიდან არის აღებული; ანდა, რომ არც ისმენს? რადგან ესეც ხორციდან არის აღებული. მაგრამ ამისგან სხვა, ბოროტი მოძღვრება შემოვიდოდა: თითქოს ყველაფერი განგების გარეშეა. ღვთის შესახებ ასეთი სიტყვების მოსმენისგან გაქცევისას მაშინდელთაგან მრავალნი იმასაც ვერ შეიცნობდნენ, რომ ღმერთი საერთოდ არსებობს; ამის უცოდინარობით კი ყველაფერი დაიღუპებოდა, ხოლო ღმერთის არსებობის ამ მოძღვრების შემოტანისას გამოსწორებაც სწრაფად მოჰყვებოდა. ვინც და...