თ ა რ გ მ ა ნ ი: და არა თქუეს, თუ: რომელი-იგი ოდესმე ბრმაჲ იყო, არამედ: „რომლისაჲ თქუენ სთქუთო, ვითარმედ: ბრმაჲ იშვა“. ესრეთ ბოროტებით და უკეთურებით ჰკითხვიდეს. ჵ შეგინებულნო და ყოვლად ბილწნო! რომელმანმცა მამამან ინება ტყუვილით ესევითარისა საქმისა თქუმად შვილისათჳს თჳსისა? რამეთუ „რომელი თქუენ სთქუთ, თუ: ბრმაჲ არს, ვითარ აწ ხედავს?“ (9,19). ჵ უგუნურებაჲ ესე! თქუენ ტყუვილ სთქუთო ესე საქმე. რამეთუ ამით ორითა ენება მოყვანებაჲ მათი უარისყოფად: ერთად, რამეთუ სთქუთო, ვითარმედ: „ბრმაჲ იშვა“, და მეორედ, ვითარმედ: „და აწ ვითარ ხედავს?“ სამნი უკუე კითხვანი იქმნეს: ერთად, თუ ძე არს მათი, და მეორედ, თუ ბრმაჲ იშვა, და მესამედ, ახილვისაჲ; ხოლო მათ ორნი იგი აღიარნეს და მესამე დაიდუმეს. და ესეცა უმეტესისა ჭეშმარიტებისათჳს იქმნა, რაჲთა არა სხუაჲ ვინ, არამედ თჳთ განკურნებული, ვითარცა უსარწმუნოესი, აღიარებდეს საქმესა მას. რამეთუ მშობელთა მათ ვითარმცა თქუეს რაჲმე ტყუვილით, რომელთა ჭეშმარიტებაჲცა დაიდუმეს შიშისათჳს ჰურიათაჲსა და თქუეს:
John 9:19
18. But the Jews did not believe concerning him, that he had been blind, and received his sight, until they called the parents of him that had received his sight.19. And they asked them, saying, Is this your son, who ye say was born blind? how then doth he now see?20. His parents answered them and said, We know that this is our son, and that he was born blind:
John თავი 9