თ ა რ გ მ ა ნ ი: ვინაჲთგან ჰამბავი წარმოთქუა შემაწუხებელი მსმენელთაჲ უჯეროჲსა მისთჳს ყრმათა მოწყუედისა, უწყალოჲსა მისთჳს და ურჩულოჲსა სასჯელისა, ნუგეშინის-სცემს და ეტყჳს, ვითარმედ: ნუვინ შეშფოთნების თქუმულსა ამას ზედა, არა თუ ვერ ძალ-ედვა ღმერთსა დაყენებად ურჩულოჲსა მის, ანუ არა თუ პირველითგან უმეცარ იყო საქმესა მას, არამედ წინაჲსწარ იცოდა და წინაჲსწარმეტყუელსა გამოუცხადა და ყოველთა მის მიერ აუწყა. ამისთჳს უკუე ნუ შეურვებულ იქმნები, ნუცა გულისსიტყუანი ორგულებისანი მოგივლენ, არამედ მიუწთომელსა მას სიღრმესა განკითხვათა მისთასა მიხედენ, ვითარ რომელსამე აღასრულებს განგებულებით და რომელთამე მიუშუებს, რომლისათჳს მან თავადმან უწყის, ვითარცა-იგი სხუასაცა ადგილსა აუწყა მოწაფეთა. რამეთუ ოდეს-იგი წინაჲსწარ ეტყოდა მოწევნადსა მათ ზედა: ყოვლისა სოფლისაგან ბრძოლასა და წარდგინებასა მათსა შესაკრებელთა წინაშე და მძლავრთა და მიყვანებასა მათსა წინაშე მეფეთა და მთავართა, აუწყა სიტყუაჲ ნუგეშინის-ცემისაჲ და ჰრქუა: „ანუ არა ორი სირი ასარისა განისყიდებისა? და ერთიცა მათგანი არა დავარდების ქუეყანასა ზედა თჳნიერ მამისა თქუენისა ზეცათაჲსა“. <span...
Matthew 2:18
17. Then was fulfilled that which was spoken by Jeremy the prophet, saying,18. In Rama was there a voice heard, lamentation, and weeping, and great mourning, Rachel weeping for her children, and would not be comforted, because they are not.19. But when Herod was dead, behold, an angel of the Lord appeareth in a dream to Joseph in Egypt,
Matthew თავი 2