თ ა რ გ მ ა ნ ი: ჰხედავა, ვითარ მეყსეულად იჭჳ მათი განაქარვა და წინააღმდგომი თხოისა მათისაჲ მიუგო და ჰრქუა: არა იცით, რასა იტყჳთ, ჯერეთ არა დამაშურალ ხართ, არცა შესრულ ხართ ღუაწლსა, ჯერეთ სოფელი არა მოქცეულ არს ღმრთისმსახურებად, ჯერეთ უშჯულოებაჲ უფლებს, და კაცნი წარწყმედასა შინაღა არიან. ჯერეთ ასპარეზსა მას არა შესრულ ხართ და აწვე გჳრგჳნთა ეძიებთა? ხოლო მე ღუაწლთაღა და ოფლთაღა წინაგიყოფ, რამეთუ არა ესე არს ჟამი სასყიდლის-მიცემისაჲ, არცა აწ გამოჩნდების საუკუნოჲ იგი დიდებაჲ ჩემი. არამედ აწ ჟამი ესე ბრძოლისაჲ არს და სისხლთა დათხევისაჲ. და იხილე ყოვლადბრძენი იგი კითხვაჲ მისი. არა ჰრქუა, თუ: ძალ-გიცა თავს-დებაჲ სიკუდილისაჲ? ძალგიცა სისხლთა თქუენთა დათხევაჲ? არამედ ესრეთ ჰრქუა: „ძალ-გიცა შესუმად სასუმელი, რომელი ჩემდა შესუმად არს, ანუ ნათლის-ღებაჲ, რომელი მე ნათელ-ვიღო, ნათლის-ღებად?“ რაჲთა მის თანა ზიარებისათჳს გულსმოდგინე იქმნენ. ამისთჳს თავი თჳსი სახედ მისცა. სასუმლად და ნათლის-ღებად ამას ადგილსა უწოდა ჯუარ-ცუმასა და სიკუდილსა თჳსსა: სასუმლად - ამისთჳს, რამეთუ ნეფსით და წადიერებით მიიღო იგი ცხორებისათჳს ჩუენისა, ვითარცა ვინ წყურიელმან...
Matthew 20:22
21. And he said unto her, What wilt thou? She saith unto him, Grant that these my two sons may sit, the one on thy right hand, and the other on the left, in thy kingdom.22. But Jesus answered and said, Ye know not what ye ask. Are ye able to drink of the cup that I shall drink of, and to be baptized with the baptism that I am baptized with? They say unto him, We are able.23. And he saith unto them, Ye shall drink indeed of my cup, and be baptized with the baptism that I am baptized with: but to sit on my right hand, and on my left, is not mine to give, but it shall be given to them for whom it is prepared of my Father.
Matthew თავი 20