თარგმანი: ესე სტეფანა დედაკაცი იყო, გინა თუ ღმრთისმოშიშებითა უპირატესი ანუ თუ პირველად მიმთუალველი სიტყუასა სარწმუნოებისასა ყოველთა შორის მკჳდრთა ელადისათა, ვინაჲ-იგი იყვნეს აქაიელნი. რომლისათჳს კრძალულებისა ჩუენებად ჰლოცავს მათ, ვითარცა ღირსისა, რომელმან არა ხოლო თავისა თჳსისად, არამედ სახლეულთაცა თჳსთათჳს აღირჩია უფროჲს ყოველთა საშუებელთა სოფლისათა, რაჲთა მსახურად წმიდათა დააწესნენ თავნი თჳსნი.
1 კორინთელთა მიმართ 16:15
14. ყოველივე თქუენი სიყუარულით იყავნ.15. ხოლო გლოცავ თქუენ, ძმანო, რამეთუ იცით სახლი იგი სტეფანაჲსი, ვითარმედ არს პირველი აქაიაჲსი, და მსახურად წმიდათა დააწესნეს თავნი თჳსნი.16. რაჲთა თქუენცა დაემორჩილნეთ ეგევითართა და ყოველსავე თანა-შემწესა და მშრომელსა.
1 კორინთელთა მიმართ თავი 16