თარგმანი: ვინაჲთგან ზემო ჴორციელნი სახენი წარმოთქუნა, აწ დაჰრთავს, ვითარმედ ნუ ჰგონებთ თუმცა კაცობრივ ოდენ და არა წმიდათა წერილთა მიერ წამებითა დაგიმტკიცე თქუენ თანამდებობაჲ მოციქულთა თქუენთა გამოზრდისაჲ; რამეთუ აჰა საწამებელი სიტყუაჲ მეორისა შჯულისა წიგნისაგან.
1 კორინთელთა მიმართ 9:8
7. ვინ-მე სადა საგრობნ თჳსითა საგზლითა? ვინ დაასხის ვენაჴი და ნაყოფისა მისისაგან არა ჭამის? ანუ ვინ მწყსინ სამწყსოსა და სძისა მისგან სამწყსოთაჲსა არა ჭამის?8. ანუ კაცობრივ-მე ნუ ვიტყჳ ამას? ანუ არა შჯულიცა ამასვე იტყჳსა?9. რამეთუ შჯულსა მოსესსა წერილ არს: არა შეუკრა პირი ჴარსა მლეწველსა. ნუუკუე ჴართაჲ რაჲმე ეურვებოდა ღმერთსა?
1 კორინთელთა მიმართ თავი 9